Positivity in kuwaiti culture

اخترنا مجال التطوع و بذات الفئة النسائية اول شي قمنا بمقابلة هيا الشطي و بعدين فريق زاد التطوعي و اخر شي حملة ورقة حجرة قلم و بما ان احنا في شهر رمضان وايد افكار للتطوع كانت في بالنا لكن الوقت لم يسعنا

المشروعالنهائي

Advertisements

Final project LAST BLOG

بعد مراجعتنا لدكتور ولا نطلع فاهمين غلط لفكرة المشروع فقررنا نعيد الشغل و بلشنا شغل اليوم اول يوم رمضان لفريق زاد التطوعي الفريق يقوم في رمضان بحملة افطار صائم يومياً و مساعدة الاسر المتعففة و اليوم صورنا افطار الصائم و شاركنا معاهم و باچر ان شاء الله بنزور الاسر المتعففة

رأيي في المقرر

بأول كلاس الدكتور قالنا شنو المطلوب علينا بالمادة و عرض لنا تقسيمة الدرجات استانست حيل لأن المادة مافيها امتحانات و بدأنا بأول تجربة انشاء المدونة كانت تجربة جديدة لي اول بعدين photoshop كان شوي صعب بس الحمدلله تعلمت عليه و اشتغلت فيه بالتصميم بعدين audacity بصراحه كان ممل و يحتاج طولة بال لكن استخدامه جداً جداً سهل و تعلمت شلون اوصل المشاعر من خلال مقطع صوتي مدة لا تتجاوز الدقيقتين و اخر شي imovie ❤️ كان احلى برنامج وايد حلوووو كنت اعرف استخدمه لكن مع الدكتور علمنا شلون نستخدمه بطريقة افضل و بروفشينال اكثر .. و ايضاً تعلمت طريقة المقابلة الصحيحة و ان شلون لازم اتعامل مع الضيف اللي مقابلته و بعد المقرر علمني شلون اختار اللقطات و زواية حق الفيديو صرت لما اشوف اي فيديو الاحظ اللقطات المصورة و اركز على طريقة التصوير اذا الكاميرا ثابته او متحركه و ايضاً من خلال الواجبات كونت علاقات طيبة مع الاشخاص اللي قابلتهم و البعض منهم اثر فيني و تعلمت شلون اخلي المحتوى فيه رسالة او هدف .. بشكل عام المقرر كان جداً جداً ممتع يخلينا على طول نفكر و نشوف شنو شي يديد بالكويت وشلون ابدع بتقديمه .. شكراً دكتور عيسى النشمي على جهودك ماقصرت معانا

Final project |||

الحمدلله خلصنا كل شي تقريباً لكن للحين مانقشنا الدكتور اليوم بنروح لــكـن المشكلة في الصور للحين ماعرفنا موضوع مناسب نقدر نصوره قررنا نصور الشخصيات اللي قابلنها يعني الصور تكمل الموضوع هم كانت صعبه.. الصور اصعب شي في المقرر و بعد باقي ڤيدير البرمو ما اتفقنا عليه بسبب انشغال القروب بالامتحانات مانقدر نجتمع بس انا و فاطمه عطلنا اليوم ان شاء الله نشتغل عليه قبل رمضان مع البنات

Final project ||

الاربعاء ٩/٥/٢٠١٨ قابلنا انا و زميلتي لطيفه الناشطة في العمل الانساني هيا الشطي و كانت مقابلة صوتية مع العلم زميلاتي سجلوا مقابلتين صوتيتين بس من كثر ما احنا محتارين شنو نختار قررنا نسجل كل شي و نشوف شنو احلى شي و نختاره حق المشروع واجهنا شوي مشكلة لان المكان ما كان هادئ ١٠٠٪؜ بس الحمدلله كانت زينه المقابلة و الحين خلصت من مونتاجها و ان شاء الله تعجب الدكتور 🙏🏻

Final project |

اليوم ٧/٥/٢٠١٨ بعد بحث طويل بين الشخصيات قررنا تصوير نحال كويتي شدنا موضوع العسل و ان اهوا يسوي العسل عنده بالبيت فكنا شوي مترددين اذا راح يصير حلو B-roll رحنا جربنا نصور و لبسنا شبك و كنا خايفين يقرصنا النحل ورانا امتحانات بس الحمدلله تمت بسلامة و الحين بنكتب السكربت عشان نبدي بالمونتاج و ان شاء الله يكون حلو الڤيديو و بنروح باچر نناقش الدكتور اذا في تعديلات او نغير الموضوع ..

Phonegraphy

بالتعاون كل من بنك بوبيان و الافنيوز و شركة ڤيڤا اقام المصور عبدالعزيز السريع دورة التصوير باستخدام الاجهزة الذكية و التي كانت في الافنيوز في التوسعة الجديدة و كانت الورشة خاصة لعملاء بنك بوبيان تقام كل سبت الساعة ١٠ صباحاً الى ٢ ظهراً

تتضمن الدورة اهم اساسيات التصوير في الاجهزة الذكية و اهم برامج تعديل الصور حيث قاموا المشتركين بمرور بعدة محلات و التقاط عدة صور مختلفة مع المصور عبدالعزيز و في النهاية ابدوا المشتركين اعجابهم و استفادتهم من هذه الورشة .